Kommande arrangement
08. nov. 2026, 19:00 – 20:30Fossehuset, Strandebarmsvegen 153, 5610 Strandebarm, NorgeTam Glen består av Annlaug Børsheim og Olav Tveitane.
Sponsor Haustprogram 2026
Avenir Light is a clean and stylish font favored by designers. It's easy on the eyes and a great go-to font for titles, paragraphs & more.
Haustprogram 2026
17. september kl. 19:00
“Vaim hotell” i Fossehuset
"Vaim hotell", foredrag og opplesing ved Jan H. Landro og Liv Marit Aksnes
"Vaim hotell" er den siste boka av Jon Fosse, oppfylgjar til romanen "Vaim", som kom ut i fjor.
Jan H. Landro er journalist og forfattar og er fast teatermeldar i Dag og Tid. Han har skrive sakprosabok om romanane til Jon Fosse og er svært oppdatert om norsk samtidslitteratur. Liv Marit Aksnes er pensjonert amanuensis ved Høgskulen på Vestlandet. Ho har arbeidt mykje med retorikk, drama og litteratur, skrive mange lærebøker i norskfaget og er verdsett som opplesar.
Billettar på TicketCo
18. september kl. 19:00
Premiere "Kjærast" på Kvam Kino
19. september kl. 19:00
«Og takk til Gud»i Fossehuset
med Eline Holbø Wendelbo tekst og vokal, Arnhild Vik piano, Brage Botn Seim cello.
Førestillinga let tekstar av to av våre største forfattarar, Jon Fosse og Sigrid Undset, få skina i ei ramme av musikk, song og innlevande tekstframføring, i følge Eline Holbø Wendelbo. Saman med Arnhild Vik og Brage Botn Seim framfører ho «Og takk til Gud», med fokus på den religiøse og katolske av forfattarskapet til nobelprisvinnarane.
Konsertforestillinga «Og takk til Gud» består av utdrag fra Fosses store verk «Septologien» frå 2019-2021 og utdrag fra Undsets «Den brennende busk» fra 1929. I tillegg til tekstutdraga får publikum høyra tonesette dikt av dei to nobelprisvinnarane, og utdrag frå Nobel-foredraget til Fosse i 2023.
Tittelen på førestillinga er henta frå dette foredraget. Komponist og pianist Arnhild Vik og scenekunstner Eline Holbø Wendelbo har samarbeidd om ulike førestillingar heilt sidan 2014.
Dette vert fjerde gongen dei vitjar Fossehuset.
Billettar på TicketCo
20. september kl. 19:00"Kjærast"
Kvam kino - ordinær visning av “Kjærast”
4. oktober kl. 19:00 "Sigd"
med Morten Svartveit, Kjærsti Odden Skjeldal og Sjur Miljeteig.
Skodespelarane Svartveit og Odden Skjeldal har saman med musikar Miljeteig ei scenisk lesing av Ruth Lillegraven si diktsamling "Sigd", som kom ut i 2010. Svartveit og Skjeldal medverka i framsyninga "Sigd" ved Det Norske Teateret frå 2019-2020.
Bearbeidinga av teksten og regien har dramaturg Ingrid Weme Nilsen. Dikta fortel historia om ein odelsgut på 1800-talet som vert råka av ein sjukdom som gjer at livet for han sjølv, familien og garden tek ei ny vending.
Billettar på TicketCo
8. november kl. 19:00 «Tam Glen» / Robert Burns på nynorsk
med Annlaug Børsheim og Olav Tveitane
Duoen Tam Glen består av Annlaug Børsheim frå Ulvik (song, fele, gitar) og Olav Tveitane (song, cister, gitar). Dei har laga eit program med songar av Skottlands nasjonalskald Robert Burns, gjendikta på nynorsk av Johannes Gjerdåker frå Voss.
Melodimaterialet er for det meste skotske tonar, ispedd nykomponerte melodiar og instrumentalparti henta frå britisk/irsk tradisjon. Annlaug Børsheim frå Ulvik er ein allsidig utøvar med bakgrunn frå norsk folkemusikk, rock og popmusikk. I tillegg arbeider ho med teaterprosjekt og litteraturformidling. Olav Tveitane frå Bergen er ein veteran i folkemusikken, og han har arbeidt med ulike innan- og utanlandske spelemenn og songarar. Børsheim og Tveitane starta opp duoen Tam Glen i 2010, og dei har sidan ofte vendt tilbake til tekstane til Robert Burns, som Johannes Gjerdåker gjorde tilgjengelege for nordmenn.
Billettar kjem på TicketCo
Desember: «Det blå landet» med Sinikka Langeland og Knut Hamre (ikkje datofesta)
Dette programmet består av dikt av Olav H. Hauge og Hans Børli, med tonefylgje av musikar Sinikka Langeland og hardingfelespelar Knut Hamre. Dei freistar formidla noko av det stemningsfulle, drøymande og mystiske som ein kan finna i tekstar av desse to diktarane. Ofte er dikta knytt til natur og lengt.
Fossedagane 2027
6.-8. mai 2027
Endeleg program kjem seinare.
«Gitarmannen» DATO: TBA
Skodespelet «Gitarmannen» , manus av Jon Fosse, oppsetjing frå DNS, med skodespelar Bjørn Wilberg Andersen.Denne teatermonologen har gått for fulle hus i Bergen vinteren 2026. Fosse-stiftinga har inngått ein intensjonsavtale med DNS om at oppsetjinga skal koma til Fossehuset når ein er ferdig med framsyningane i Bergen i vår, men dato er ikkje fastsett enno.
6. mai «MIRRA» med Benedicte Maurseth (hardingfele), Håkon Stene (rytmisk og melodisk slagverk, elektronikk), Mats Eilertsen (kontrabass, el-bass), Morten Qvenild (piano, elektronikk)
Verket «Mirra» har element frå folkemusikk, amerikansk minimalisme og fri improvisasjon, seier komponisten og felespelaren Benedicte Maurseth. Ho er inspirert av livet til villreinen på Hardangervidda, som er truga av menneska, som avgrensar plassen til dyra.
Albumet Mirra frå 2025 er oppfølgjar av «Hárr» som kom ut i 2023. I «Mirra» er det villreinen nær Mauseths heimtrakter ved Hardangervidda som har solistrolla. Mirra er eit eldre utdøydd dialektord frå Hardanger som skildrar ulike aspekt ved reinen sitt liv.Verket følgjer delar av villreinens åtferd og årsyklus, og dei distinkte lydane til reinen er ein viktig del av komposisjonane.«Mirra» har sidan lanseringa motteke svært gode kritikkar nasjonalt og internasjonalt og vunne mange prisar. «Mirra» vart til liks med Hárr også kåra til eit av verdas ti beste folkemusikkalbum for 2025 av The Guardian.
“Hundemanuskripta” del 2
opplesing ved skodespelar Anderz Eide og musikk ved bassist Per Zanussi.
«Hundemanuskripta» av Jon Fosse består av tre korte forteljingar, som vart skrivne på 1990-talet. Seinare vart dei gitt ut som éi bok. Hovudkarakterane er hundar med menneskelege eigenskapar, lengt og draumar. Forteljingane minner om fablar, og tekstane er underfundige og morosame.
Hundemanuskripta 2 er kalla «Du å du» og handlar om ein gamal hund som bur åleine ved ein fjord. Tematikken dreiar seg om einsemd, venskap og draumar. Skodespelaren Anderz Eide er ein høgt skatta opplesar. Han har vitja Fossehuset fleire gonger, og publikum gler seg over tolkinga hans av bøkene til Jon Fosse. Med seg på scena har Eide denne gongen Per Zanussi på kontrabass.